Екипите на Реал Мадрид и Атлетик Билбао ќе играат во финалето на шпанскиот Суперкуп кој се игра во Саудиска Арабија.

Еден ден по триумфот на Реал над Барселона, Атлетик во драматичен натпревар со 2:1 го совлада актуелиот шпански шампион Атлетико Мадрид.

Сите три гола беа постигнати по прекин, а интересно е што сите ги постигнаа играчите на баскискиот тим, еден дадоа во својата и два во противничката мрежа. Атлетико Мадрид поведе во 62 минута по автоголот на голмаот Унаи Симон.

Но, до крајот на натпреварот, Атлетик Билбао успеа да направи пресврт и со головите на Јерај Алварес во 77 и на Нико Вилијамс во 81 минута да триумфира со 2:1. Финалето помеѓу Реал и Атлетик ќе се игра в недела.