Противник на Јувентус во финалето на Купот на Италија ќе биде Аталанта која во реванш натпреварот го совлада бранителот на трофејот Наполи со 3:1.
Тоа што не успеа во првиот натпревар и одигра без голови, Аталанта го направи во реваншот, целосно го надигра Наполи и овој пат постигна дури три гола.

Победата ја најави Дуван Запата со голот во 10. минута, а само шест минути подоцна веќе беше 2:0 кога погоди Песина.
Во второто полувреме, Ирвинг Лозано намали на 2:1, но сите дилеми околу победникот и патникот во финалети ги разреши Песина со својот втор гол.