ВИДЕО I Ескалираа протестите во Мјанмар: Полицијата ги растерува демонстрантите со водени топови, гумени куршуми и боева муниција
Полицијата во Мјанмар одговори на протестите со употреба на водени топови, на гумени куршуми и на боева муниција во обид да ги задуши демонстрациите по минатонеделниот воен удар. Една жена е во критична состојба, јавија светските медиуми.
Десетици илјади незадоволни граѓани излегоа на улиците во знак на протест против забраната за митинзи и воениот удар.
Our Country Myanmar?#WhatsHappeningInMyanmar #PoliceBrutalityinMyanmar pic.twitter.com/02HRKoPEWW
— YoonThu? (@YoonThu7) February 9, 2021
Последните денови полицијата користеше претежно водени топови за растерување на демонстрантите, но денеска ситуацијата ескалира. Полициските сили пукаа претежно во воздух, користејќи гумени куршуми и боева муниција.
Четири лица се пренесени во болница во главниот град Наипидо. Според лекарите, тие биле ранети со гумени куршуми. Една жена била погодена во главата и според лекар од локална болница, таа веројатно нема да преживее, бидејќи била застрелана со боева муниција.