Најмалку четири луѓе вчера загинаа во индискиот главен град Њу Делхи, откако зграда во изградба се урна по монсунските дождови кои ја зафатија земјата, објави „Ројтерс“.

Спасувачите подоцна извлекле еден преживеан кој бил заробен под урнатините на зградата.

Индиската метеоролошка служба издаде „црвено“ предупредување за делови од Њу Делхи и соседната држава Харајана, најавувајќи обилни дождови.

#BREAKING: One dead, 5 to 6 people still feared trapped in Delhi’s Rohini building collapse

One person has died and five to six others are feared trapped after a three-storey under-construction building collapsed in Delhi’s Rohini area on Wednesday. Police, the Delhi Fire… pic.twitter.com/iMtH3yDeiD

— upuknews (@upuknews1) July 8, 2026

Аеродромот во Њу Делхи ги предупреди патниците да одвојат дополнително време за патување поради насобраната вода на некои од патиштата што водат до аеродромот.

Во изминатите неколку дена, неколку индиски држави се соочуваат со екстремни временски непогоди, при што четири луѓе загинаа во јужниот индиски град Вајанад, откако поројните дождови предизвикаа свлечиште.

Во западната држава Махараштра, најмалку 13 луѓе загинаа во инциденти поврзани со дождовите, изјави министер од регионалната влада претходно оваа недела.

Во градот Пуне во Махараштра, во близина на Мумбаи, голема количина отпад се урнала во постројка за третман на отпад. Најмалку седум луѓе биле спасени, а се стравува дека уште деветмина останале заробени.

Во Индија почнаа монсунските дождови