МНОГУ ВИ ОПАЃА КОСАТА? Проверете дали ви се нарушени ОВИЕ хормони!
Губењето на косата најчесто е предодредено генетски, без разлика дали се работи за маж или жена, но постојат и други фактори кои може да бидат причина за тоа.
Понекогаш се работи за лоша или недоволна грижа, а некогаш може да биде последица и на одредена болест или хормонално нарушување.
Овие четири хормони се најмногу поврзани со губењето коса:
Тестостерон
Тестостеронот често е поврзан со ќелавоста кај мажите. Ова поточно важи за типот дихидротестостерон, кој предизвикува заслабнување на фоликулите и опаѓање на влакната. Покачувањето на тестостеронот кај жените исто резултира со опаѓање на косата со различни интензитети.
Тироидни хормони
Тироидните хормони се одговорни за метаболизмот, но и се тесно поврзани со квалитетот на влакната на косата, особено кај жените. Најчести симптоми на хипотироидизам се сувата кожа, кршливите нокти и губењето на косата.
Инсулин
Покаченото ниво на инсулин, а без дијагностициран дијабетес, е симптом на синдромот на полицистични јајници, кој е една од најчестите хормонални абнормалности кај жените. Покачениот инсулин, односно хиперинсулинемијата, предизвикува губење на коса, создавање акни и зголемена телесна тежина. Кај мажите хиперинсулинемијата исто така предизвикува опаѓање на косата.
Естроген
Нарушувања во балансот на естрогенот е исто така причина за опаѓање на косата. Многу жени се соочуваат со ваков проблем во текот на бременоста, кој се враќа во нормала неколку месеци по породувањето. Слично се случува и со жените во почетокот на менопаузата.