Рики Рубио го напушта Кливлендм, објави денес познатиот новинар на „ЕСПН“, Адријан Војнаровски.

Во редовите на Кливленд Рубио стигна како ветеран со цел да биде лидер на подмладениот тим и на почетокот се одеше според планот, се до повредата на предмиот вкрстен лигамент на левото колено во 2021 година.

Поради таа повреда мораше да паузира една година, а до тој момент имаше просек од 13.1 поени и 6.6 асистенции по натпревар за 28.5 минути поминати на паркетот. Неговата повреда беше тежок удар за Кливленд кој на почетокот му даваше поддршка, но како што времето минуваше разделбата стануваше се позивесна.

Соработката беше раскината во договор помеѓу двете страни. Засега најавите се дека ќе се врати во Шпанија, но имиња на клубови не се споменуваат.