На социјалните мрежи во изминатите часови се прошири лажна информација дека славниот актер Џим Кери починал, откако на интернет се појави снимка од екранот на наводно изменета страница на Википедија, на која пишувало дека тој починал на 28 јуни 2026 година.

Станува збор за очигледен случај на вандализирање на содржината на Википедија, што предизвика забуна и бројни реакции на социјалните мрежи, иако информацијата не беше потврдена од ниту еден официјален извор.

На спорната снимка од екранот било наведено дека Џејмс Јуџин Кери (17 јануари 1962 – 28 јуни 2026) бил канадско-американски актер и комичар, а неговата биографија била напишана во минато време. Во неа лажно било наведено дека починал на островот Мауи, на Хаваите, на 64-годишна возраст.

So Jim Carrey just died, i guess…
by
u/bert-10-bert in
WikipediaVandalism

Во меѓувреме, страницата на Википедија беше вратена во првобитната состојба. Корисници на „Редит“ објавија дека лицето кое ја направило лажната измена повеќепати ги бришело корекциите, но на крајот било предупредено, а неточната информација била отстранета.

И покрај тоа, дел од корисниците забележаа дека при пребарување на името на Џим Кери на Гугл сѐ уште краткотрајно можела да се појави неточната информација, поради доцнење во ажурирањето на резултатите од пребарувањето.

Во последните месеци Кери привлече внимание со променетиот изглед и новиот имиџ, што поттикна разни неосновани шпекулации на интернет за неговото здравје.

Сепак, актерот е жив, а станува збор за уште еден пример како лажни информации можат брзо да се прошират преку манипулирани или вандализирани страници на интернет.

ФОТО | „Тоа не е неговото лице“ – Бизарни теории дека Џим Кери бил заменет со двојник го преплавија интернетот