Откако Џим Кери се појави на неодамнешното доделување на наградите „Сезар“, интернетот беше преплавен со бизарни теории на заговор дека наместо него на свеченоста присуствувал неговиот двојник. На крајот, актерот преку својот претставник се огласи и ги демантираше овие наводи.

Откако беа објавени фотографии и видеа од актерот додека ја прима наградата, интернетот се преполни со теории на заговор, од тврдења дека се подложил на пластична операција до апсурдни тврднија дека бил заменет со двојник.

Меѓу најшокантните на социјалните мрежи беше сугестијата дека Џим бил клониран, со аргумент дека бојата на очите му е посветла, а потписите ги дава со десната рака и покрај тоа што е левак.

Еден корисник на платформата Икс напиша:

– Долго време зборувам за клонирање на луѓе и ми е драго што конечно гледам дека ова добива на значење. Џим Кери бил клониран пред многу години.

EXCLUSIVE: Conspiracy theories have swirled since Jim Carrey’s appearance at the César Awards last week, but organizers of the French honors say the rumors are a “non-issue.”

“Jim Carrey’s visit has been planned since this summer,” general delegate Gregory Caulier said. “From…

— Variety (@Variety) March 2, 2026

На крајот, претставникот на Кери се огласи и потврди за бројни медиуми дека актерот навистина присуствувал на доделувањето. Исто така, тоа го потврди и еден од организаторите на доделувањето, Грегори Каулиер.

Тој за „Верајети“ изјави:

– Посетата на Кери беше планирана уште од летоска. Од самиот почеток, тој беше многу трогнат од поканата на Академијата. Со месеци работеше на својот говор на француски, прашувајќи ме за точниот изговор на одредени зборови. Дојде со својата партнерка, ќерка, внук и 12 блиски пријатели и членови на семејството. Го следеше неговиот долгогодишен публицист.