Подготовките за свадбената прослава на Тејлор Свифт и Тревис Келси продолжуваат да ја интригираат јавноста, а американските медиуми секојдневно објавуваат нови информации за церемонијата која, според неофицијални извори, треба да се одржи во њујоршкиот „Медисон Сквер Гарден“.

Според „Пејџ сикс“, на свадбената прослава би требало да настапат легендарната Стиви Никс и кантри-ѕвездата Тим Мекгро. Изборот на Мекгро има посебно значење за Свифт, бидејќи нејзиниот прв голем хит, објавен кога имала само 16 години, го носи токму неговото име – „Tim McGraw“.

Извор близок до музичката индустрија изјавил дека Свифт поканила толку многу гости што прославата би можела да биде „поголема и од Мет гала“.

Градските власти во Њујорк потврдија дека е издадена дозвола за настан во „Медисон Сквер Гарден“, каде што во петок се очекуваат повеќе од 1.000 гости. Според истиот извор, поканите биле испратени преку текстуални пораки и електронска пошта. Дополнително, постои дозвола и за помал настан со околу 100 гости во четврток, за кој се шпекулира дека ќе биде пробната свадбена вечера.

Сепак, дел од луѓето блиски до пејачката веруваат дека вистинската свадбена церемонија можеби веќе се одржала во целосна тајност, а дека собирот во „Медисон Сквер Гарден“ ќе биде голема прослава на веќе склучениот брак. За тоа засега нема официјална потврда.

Меѓу гостите, според пишувањата на американските медиуми, се очекуваат Абигејл Андерсон, сестрите Хаим, Зои Кравиц, Ед Ширан, Џек Антоноф и Маргарет Кволи, Мариска Харгитеј, Кара Делевињ, Џиџи Хадид и Бредли Купер, Селена Гомез и Бени Бланко, како и бројни соиграчи на Келси од „Канзас Сити Чифс“.

Се шпекулира и дека Ед Ширан би можел да има музички настап, додека Пол Макартни беше споменуван како можен гостин-изненадување. Сепак, според последните информации, тој во моментов се наоѓа во Велика Британија, па неговото учество е малку веројатно.

И покрај бројните информации што кружат во јавноста, ниту Тејлор Свифт ниту Тревис Келси официјално не ги потврдија датумот, местото или деталите за свадбата.

Том Хенкс им даде брачен совет на Тејлор Свифт и Тревис Келси: „Мажот мора да прави…“