Владата на британскиот премиер Кир Стармер ќе го прогласи Иранскиот корпус на Исламската револуционерна гарда (ИРГК) за терористичка организација, заедно со две други групи поврзани со Иран и Русија. Забраната се воведува во рамките на новите овластувања што ѝ дозволуваат на владата да ги прогласи групите поддржани од државата како закана за националната безбедност, објави „Телеграф“.

Премиерот Стармер со месеци е под притисок и од неговата Лабуристичка партија и од опозицијата да ја забрани ИРГК. Новите овластувања, кои беа изгласани во парламентот минатиот месец, воведуваат кривични дела за оние кои поддржуваат или промовираат групи официјално означени како закани спонзорирани од државата. Министерката за надворешни работи Ивет Купер, го повика амбасадорот на Иран, Сејед Али Мусави, за да го информира за одлуката.

Објавувајќи ги забраните во парламентот, министерката за внатрешни работи Шабана Махмуд изјави дека Велика Британија „идентификувала активности поврзани со ИРГК кои вклучуваат закани по живот и заплашување на британска територија“.

Покрај Корпусот на иранската револуционерна гарда, владата ќе го забрани и Исламското движење на другари по права (IMCR), група поврзана со Иран, поради серија напади врз еврејската заедница во Велика Британија. На листата се наоѓа и Доброволниот корпус на руската воена разузнавачка агенција ГРУ, кој исто така ќе биде означен како терористичка организација според новиот закон.

Според новото законодавство, барањето поддршка или изразувањето ставови во поддршка на забранети групи е кривично дело.

Исто така, кривично дело ќе биде помагање на такви групи во извршување активности поврзани со Обединетото Кралство, како и прифаќање или задржување на материјални бенефиции обезбедени од нив. Прекршувањата на новиот закон носат максимална казна од 14 години затвор, парична казна или и двете.

Велика Британија инвестира 250 милиони фунти во заштита на Евреите по серијата напади