Директорот на болницата во Подгорица изјави дека коронавирусот во Црна Гора повторно се врати поради навивачите кои минатата недела присуствуваа на натпреварот помеѓу Партизан и Црвена звезда.

Иако има забрана за патување од Црна Гора во Србија и обратно, навивачите на двата белградски тима на дербито заминале преку БиХ, а потоа и од истата земја се вратиле во Црна Гора.

Директорот на клиничкиот центар Јевто Ераковиќ побара од црногорските власти да испитаат колку навивачи преку БиХ заминале да го следат дербито и потоа се вратиле во Црна Гора, како и да го утврдат нивното движење.

– Секој од тие што ја напуштиле држава и потоа се вратиле во Црна Гора мора да бидат во карантин или во само изолација – изјави Ераковиќ.

Партизан и Црвена звезда на 10 јуни играа во полуфиналето на купот на Србија и тоа пред 20.000 навивачи и тоа во време кога во цела Европа е забрането присуство на навивачи на трибините, потенцира докторот.

Во Црна Гора моментно девет лица се позитивни на коронавирус откако претходно дури 42 дена немаше регистририрано ниту еден позитивен случај.