Во Македонија до 20 часот денеска се евидентирани 13 пожари на отворен простор, од кои еден и натаму е активен – оној на депонијата во Визбегово, во скопската општина Бутел, информираат од Центарот за управување со кризи (ЦУК).

Под контрола е ставен пожарот на градската депонија во Демир Хисар, а целосно изгаснати се 11 пожари, велат од ЦУК.

Меѓу нив се пожарите на Љуботенски пат во Општина Бутел, на патот кон Страхојадица во Општина Зелениково, во селото Булачани во Општина Гази Баба, во Средно Коњаре во Општина Петровец, во Бардовци во Општина Карпош, во селото Лениште во Општина Прилеп, кај Кадмо плажа во Охрид, пред патарината во Општина Градско, во населбата Насеље во Штип, на Слупчански пат во Општина Липково и во селото Псача во Општина Ранковце.

Пожарот во Штип е изгаснат, очевидец тврди дека двајца пиромани го подметнале