Вдовецот на Халина Хачинс се бакнува со нова жена, 18 месеци по убиството на снимањето на „Rust“
Вдовецот на Халина Хачинс, која случајно беше застрелана од Алек Болдвин на сетот на снимањето на филмот „Rust“ беше забележан со нова девојка оваа недела во Лос Анџелес.
Продуцентот Метју Хачинс (38) сè уште го носел својот венчален прстен додека ја прегрнувал и бакнувал жената во опсерваторијата Грифит во понеделникот, осумнаесет месеци откако неговата сопруга Халина Хачинс (42) беше смртно застрелана на снимањето на филмот, на 21октомври, 2021 година во Ново Мексико.
Извори за „Њујорк пост“, ја идентификуваа новата љубов на Метју како Кејти Флин.
Според нејзиниот профил на Линкдин, Флин е координатор за видео продукција во опсерваторијата, која дипломирала метеорологија на Универзитетот во Мичиген во 2015 година.
Метју и Флин се фотографирани додека се шетале заедно во живопоисната околина на опсерваторијата и често се бакнувале и прегрнувале еден со друг. Хачинс не бил достапен за коментар во вторникот.
Moving on Halyna Hutchins’ widower cozies up to new flame – but still wears wedding ring 18 months after ‘Rust’ shooting
Matthew Hutchins was spotted cozying up to a mystery woman in Los Angeles on Monday. pic.twitter.com/sK9ZzW70P5
— HÜSEYİN AVNİ KEMAL (@Hak_2861) April 25, 2023
Веста за очигледната врска на Метју доаѓа неколку дена откако беше отфрлена кривичната пријава против Болдвин поради случајното пукање на сетот на филмот „Rust“, каде беше застрелана Халина.
Метју претходно отворено зборуваше за последиците од смртта на неговата сопруга во интервју за „Тудеј“ во февруари 2022 година.
„Идејата дека лицето што го држи пиштолот и пука не е одговорно за убиство, за мене е апсурдна“, изјавил ожалостениот сопруг за инсистирањето на Болдвин дека тој не е виновен за пукањето.
„Гледајќи го интервјуто на Болдвин за Еј-си-си, се почувствував толку лут што го гледав како зборува за нејзината смрт јавно и на толку детален начин, а потоа не прифати никаква одговорност, откако штотуку опиша како ја убил“, продолжи тој.