„Вашингтон пост“ го налути Твитер со описот за ал-Багдади: „Умре Хитлер, љубител на уметноста и врвен оратор“
Корисниците на Твитер се потсмеваа со објавата на „Вашингтон пост“, откако во неделата тие ја објавија веста за смртта на водачот на терористичката организација Исламска држава, Абу Бакр ал Багдади. Главната причина за реакцијата на „твитерџиите“ беше описот за Багдади на американскиот весник како „строг верски учител“.
Реномираниот весник трипати го промени текстот во веста, при што Багдади првенствено беше наречен „главен терорист“, во другата варијанта како „строг верски водач зад кормилото на Исламска држава“, а на крајот како „екстремистички водич“.
Корисниците на Твитер остро ја критикуваа втората верзија и го обвинија весникот дека го претставува Багдади во непримерно позитивно светло, имајќи ја во предвид бруталноста која ја заговараше додека ја водеше неговата терористичка организација.
Бизарниот опис ги поттикна корисниците на Твитер иронично да пишуваат твитови во кои ја објавуваат смртта на други озлогласени личности, како Адолф Хитлер и серискиот убиец Тед Банди, правејќи пародија на објавата на „Вашингтон пост“.
– Осама бин Ладен, татко на 23 деца, убен во нападот на неговиот дом.
Osama bin Laden, father of 23, killed in home invasion #WaPoDeathNotices
— Joe DeVito (@JoeDeVitoComedy) October 27, 2019
– Адолф Хитлер, посветен љубител на уметноста, активист за права на животните и врвен оратор, почина на 56-годишна возраст.
Adolf Hitler, dedicated art enthusiast, animal rights activist, and talented orator, dies at 56.#WaPoDeathNotices
— Lauren Chen (@TheLaurenChen) October 28, 2019
– Тед Банди, женкар и активист за права на жените, најден мртов во неговата столица.
https://twitter.com/suzukinathie/status/1188570513981001729
-Џефри Епстајн, финансиер, филантроп и пријател на членовите на кралското семејство, почина скромно, во еднособен стан.
Jeffrey Epstein, financier, philanthropist, and friend to royalty, dies in austere, one room apartment. #WaPoDeathNotices
— Mike (@Doranimated) October 28, 2019
– Садам Хусеин, успешен политичар, нафен магнат и прочуен строг шеф, почина на 69-годишна возраст.
Saddam Hussein, successful politician, oil baron and noted tough boss, dead at 69. #WaPoDeathNotices
— Sen. Denise Batters (@denisebatters) October 27, 2019
Но, Твитер не застана тука, па и понатаму се нижеа „последните поздави“ на разноразни озлогласени историски личности, а на листата се најдоа и фиктивни ликови како Волдеморт од серијалот „Хари Потер“ или Танос, главниот негативец на „Одмазниците“ на Марвел.