Како што е веќе најавено, утре на 1 јули (среда 18.00 часот, Виена) ќе се формираат групите за новата сезона во ракометната Лига на шампионите.

Македонија ќе ја претставува Вардар кој се наоѓа во првиот шешир со екипите на ПСЖ, Веспрем на нашиот Дејан Манасков и Барселона.

Во вториот шешир се Кил, Кјелце, Алборг и Порто на Никола Митревски, потоа во третиот Мешков Брест, Мотор, Нант на Кирил Лазаров и Пик Сегед, а во четвртиот Целје Пивоварна Лашко, ППД Загреб, Елверум и Фленсбург.

Ќе учествуваат 16 екипи кои ќе бидат сместени во две групи со по осум тима. Групната фаза ќе се игра од 16/17 септември 2020 до 3/4 март 2021 година.

What would be the best draw for you and your team? ?? #ehfcl pic.twitter.com/NYgyO7lXf1

— EHF Champions League (@ehfcl) June 30, 2020