Вардар со одлична игра во вториот дел, особено во завршницата, успеа да го совлада Тулуз со 37-35 во последниот натпревар од групната фаза во Европската лига и да ја осигура првата позиција на табелата.

Иако „црвено-црните“ влегуваа како фаворити, остануваше неизвесно како ќе пристапат кон мечот, имајќи предвид дека резултатот не носеше значајни последици за пласманот. Почетокот беше далеку од идеален – Вардар тргна опуштено, што францускиот тим го казни со 18 погодока во првото полувреме. На паузата македонскиот претставник замина со два гола минус (18-16).

Но продолжението донесе поинаква приказна. Во второто полувреме ракометарите на Иван Чупиќ ја кренаа играта, брзо направија пресврт и во финишот ја потврдија победата. Дуелот заврши со 37-35 во корист на Вардар.

Хориха и Малус беа најпрецизни со по осум гола, а Гогов блесна меѓу стативите со 12 одбрани.

Во другиот натпревар од групата, Кристијанштад славеше над Сесвете со 28-27, што значи дека заедно со Вардар продолжува во следната фаза.

Во наредната група, Вардар и Кристијанштад ќе се соочат со Бенфика и Мелсунген.

Преземено од: Спорт.ком.мк