Ракометарите на Вардар продолжуваат сигурно да чекорат кон шампионската титула, откако во петтото коло од Суперлигата убедливо го совладаа Бутел со 42-27.

Со овој триумф, „црвено-црните“ се доближија на чекор до титулата, односно им недостигаат уште две победи и официјално да може да почне славјето.

Натпреварот против Бутел беше во една насока и помина со целосна доминација на Вардар од првата до последната минута, без простор за изненадување.

Најефикасен во победничкиот состав беше Јака Малус со осум голови, додека Урош Митровиќ додаде пет. Кај Бутел, исто така со осум погодоци се истакна Дејан Михајловиќ, а Христијан Гурмешевиќ постигна шест.