Вардар без Тото и Мораеш вечерва против Пик Сегед

Жереми Тото нема да настапи на вечерашниот натпревар/ фото: Слободен печат - Драган Митрески

Ракометарите на Вардар вечерва(18.45 ч.) на гостувањето кај Пик Сегед во седмото коло во Лигата на шампионите ќе се обидат да ја прекинат серијата од три порази по ред.

Задачата на „црвено-црните“ ќе им биде отежната бидејќи ќе мора да играат без пивотот Жереми Тото и десниот бек Куни Моралес.

Двајцата ракометари беа стандардни во досегашниот дел од сезоната, но ќе ги нема на терен против Пик Сегед и на нивно место тренерот Веселин Вујовиќ во составот ги пријави средниот бек Мартин Карапалевски и пикерот Стефан Атанасовски.