Денеска во првиот натпревар од четвртфиналето во ЕХФ Европската лига ракометарите на Вардар 1961 забележаа пораз од 33:23 на гостувањето во Франција против Монпеље.

Македонскиот претставник во првите 60 минути од овој двомеч беше ослабен без едни од најдобрите играчи оваа сезона, недостасуваа Јака Малус поради повреда и Дмитро Хориха поради болест.

Скопските „црвено-црни“ резултатски добро се држеа во текот на првото полувреме, на стартот три пати успеаја да израмнат, а потоа домаќините направија низа од четири погодоци за 7:3 на семафорот. До паузата Монпеље одржување константно два-три голови разлика, и по првото полувреме водеше со 12:10.

Играчите на Иван Чупиќ имаа лош старт од вториот дел, Монпеље направи серија од 6:0 и сега стоеше загрижувачки 16:10 за противникот.

А нешто подоцна францускиот претставник дојде и до највисоки „плус осум“ на мечот (19:11). Тешко се топеше предноста на Монпеље чии налети тешко се запираа, стигна и до девет голови разлика (24:15), а во финишот и за прв пат дојде и до двоцифрена предност (33:23) за поставување на конечниот епилог.

Најефикасни кај Вардар беа Митровиќ и Франциско да Силва со по шест голови, а на спротивната страна истиот учинок го имаше и Сантос Дос Монте.

Реваншот помеѓу Вардар 1961 и Монпеље ќе се игра на 5 мај со почеток од 20.45 часот во СЦ „Јане Сандански“ – Скопје.