Македонската таеквондистка Милијана Рељиќ продолжува да бележи успеси на меѓународната сцена, откако освои сребрен медал на престижниот Луксембург Г-1 опен по серија убедливи настапи во текот на турнирот.

Нашата олимпијка до финалната борба стигна со три сигурни победи, демонстрирајќи доминација во сите мечеви. Во првото коло беше подобра од Германката Изабел Гифер со 2-0 во рунди, а истиот резултат го повтори и против Сабин Изебел од Луксембург во втората рунда. Рељиќ не запре тука, па и во полуфиналето славеше со максимални 2-0 против Германката Сомаја Ебнутабим, обезбедувајќи пласман во големото финале.

Во мечот за златниот медал, македонската таеквондистка загуби од Бразилката Македо со 0-2 во рунди, но и покрај поразот стигна до значаен резултат и уште еднаш потврди дека е меѓу најдобрите македонски спортисти на меѓународната сцена.