Поранешниот член на Вардар, Глеб Калараш, ја продолжува кариерата во Хрватска и официјално е ново засилување на Загреб.

Искусниот руски ракометар, кој има 35 години, стави потпис на двегодишен договор со „загребчани“, а во новиот клуб пристигнува од редовите на ПИК Сегед.

Калараш е уште еден поранешен играч на Вардар кој се реши да го облече дресот на хрватскиот шампион. Во текот на богатата кариера настапуваше и уште за: Мотор Запорожје, Санкт Петербург, Магдебург, Балинген и Мелсунген.

Покрај него, клубот од Загреб го засили ростерот и со уште едно ново име од Сегед, Јовица Николиќ, кој исто така беше официјално претставен како дел од тимот.