Уметницата Марија Павловска во Рим доби меѓународна награда за своето творештво
Македонската сликарка Марија Павловска ја прими меѓународната награда „Микеланџело – Генијот на Италија“, која ја доделува Фондацијата „Ефето арте“ во Рим, Италија.
Наградата ѝ ја врачи претседателот на Фондацијата, Сандро Серадифалко, а уметницата беше избрана и курирана од Франческо Саверио Русо (уметнички консултант) и Салваторе Русо (експерт за меѓународниот уметнички пазар).
Меѓународната награда „Микеланџело“ е признание што им се доделува на сите оние уметници кои низ годините се истакнале со нивното уметничко истражување и за стилската вредност на нивните уметнички дела. Наградата е наменета за сликари, скулптори, фотографи, видео уметници, изведувачи и дигитални уметници.
Целта на наградата е да ги посочи уметниците кои претставуваат одлична можност за инвестирање на меѓународниот уметнички пазар.
(Текстот е објавен во „Културен печат“ број 189, во печатеното издание на весникот „Слободен печат“ на 29-30.7.2023)