УЕФА демантира дека од СЗО предложиле суспензија на фудбалот
Портпаролот на европската фудбалска куќа за „Индепендент“ тврди дека не стигнала никаква препорака дека нема да се игра фудбал до крајот на 2021 година.
УЕФА ги негираше тврдењата на некои медиуми дека Светската здравствена организација предложи меѓународниот фудбал да биде суспендиран до крајот на 2021 година.
УЕФА и СЗО минатата недела имаа видео конференција, која требаше да трае еден час, но истата заврши дури после два и пол часа поради новите проблеми поврзани со коронавирусот.
Медиумите тврдат дека СЗО предложила ригорозна мерка како шок за сите љубители на фудбалот во светот, а тоа е да се запрат големите фудбалски натпреварувања до крајот на следната година.
Uefa deny receiving WHO advice to suspend football until end of 2021 after claims Arsenal could qualify for Champions League https://t.co/6eAlpAgBmZ
— Indy Football (@IndyFootball) April 22, 2020
Тоа би значело дека нема да гледаме Лига на шампиони, а Европското првенство повторно би можело да се одложи (преместено за следното лето 2021).
– Тоа не е точно. Немаме таква препорака од СЗО дека фудбалот нема да се игра до крајот на 2021 година – се зборовите на портпаролот на УЕФА за „Индепендент“.
УЕФА претходно објави дека ќе им предложи на сите национални федерации да ги завршат натпреварувањата за тековната сезона доколку е тоа можно.
Останува прашањето кога ќе биде направено тоа, а исто така и на кој начин ќе се одржи завршницата во Лигата на шампионите.
