Убедлив пораз на „Металците“ во финалето – Слободен печат
КошаркаСпорт

Убедлив пораз на „Металците“ во финалето

МЗТ Скопје е поразен од Орадеа со огромни 34 поени разлика на турнирот во Романија.

Македонскиот кошаркарски шампион, МЗТ Скопје Аеродром го освои второто место на меѓународниот меморијален турнир „Антонио Алексе” во Романија. Подобар од „металците“ кои одиграа катастрофално во финалето, беше домаќинот на турнирот, Орадеа која славеше со убедливи 97:64.

Дилемите околу победникот беа разрешени уште по првата четвртина која кошаркарите на Орадеа ја добија со 38:17, додека разликата на полувремето беше уште поголема (63:34).
Џабари Хиндс со 21 поен беше најпрецизен кај МЗТ Скопје, Нуни Омот постигна 12 поени, Марин Морнар беше стрелец на осум.

Следниот предизвик во подготовките за новата сезона за МЗТ Скопје ќе биде двомечот против уште една романска екипа, Крајова. Натпреварите ќе се одиграат на 16 и 17 месецов во салата „Јане Сандански“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close