Полицијата денеска приведе три лица од тетовско Џепчиште и Желино, осомничени дека вчера украле пари од возило на 52-годишниот Л.А. од Гостивар.

-Денеска (13.06.2023) во Тетово, полициски службеници од СВР Тетово ги лишиле од слобода Г.С.(36) од Тетово, Н.А.(49) од тетовско Џепчиште и М.Н.(53) од тетовско Желино. Тие се сомничат дека на 12.06.2023 околу 19.00 часот на улица „29 Ноември“ во Тетово од товарно возило „опел виваро“ со гостиварски регистарски ознаки, сопственост на Л.А.(52) од Гостивар, одзеле пари во различни девизи и апоени и други предмети, информираат од МВР.

Украдените пари и другите предмети се пронајдени и ќе бидат вратени на сопственикот. Лицата се задржани во полициска станица и по целосно документирање на случајот против нив ќе биде поднесена соодветна пријава.