Министерот за земјоделство, Цветан Трипуновски, во гостување на ТВ „21“ зборуваше за уапсените директори од Платежната агенција и од Државниот инспекторат за земјоделство, како и за истрагите за проневери во други случаи. Тој рече дека не чувствува одговорност како министер за очигледните злоупотреби во неговиот ресор, но и дека „нема никого да штити“.

Директорите Илија Стоилев и Васе Анакиев беа уапсени за наводно примање десетици илјади евра како поткуп.

-Ја следам работата во министерството во делот на тековното функционирање. Ако сум увидел неправилности, ќе сум реагирал. Немојте да имате дилема дека некого ќе штитам. Јас сум министер во ресор кој има десетина институции, ја следам програмата на Владата која сме ја ветиле пред граѓаните, рече Трипуновски.

„И јас трошам многу енергија да ја следам целта да направиме што подобро министерство. За секого што има сомнеж и доказ за корупција или било која неправилност, ќе има одговорност. Го осудив однесувањето на двајцата директори, но морална одговорност не чувствувам“, додаде тој.

Истражители ја „тресат“ Агенцијата за поддршка на земјоделството, некој пријавил поткуп