Во Агенцијата за финансика поддршка во земјоделството и руралниот развој попладнево се влезени тимови на Управата за финансиска полиција, екипи на МВР како и истражители.

Од Обвинителството за гонење кривични дела од организиран криминал и корупција (ОЈО ГОКК) информираа само дека:

„Под раководство на јавен обвинител од ОЈО ГОКК во моментов истражители од Истражниот центар на ОЈО ГОКК и единиците на МВР вршат претреси на повеќе локации низ државава поради основано сомневање за сторени кривични дела од коруптивна природа“, без да понудат детали.

Неофицијално, некои медиуми објавија дека е уапсен в.д директорот на Агенција за финансиска поддршка во земјоделството и руралниот развој, во акција по наводна пријава за примање поткуп за доделување договор за финансиска поддршка преку ИПАРД-програмата.

Од ОЈО ГОКК најавија дека дури утре ќе објават детали за акцијата.