Три засилувања, потрошени 190 милиони евра: Манчестер Јунајтед го претстави Хојлунд
Манчестер Јунајтед го потврди трансферот на Расмус Хојлунд кој се најавуваше во претходниот период.
Манчестер Јунајтед на Аталанта и исплати сума од 70 милиони евра плус дополнителни бонуси и целиот трансфер би можел да достигне вредност од 85 милиони евра. За Аталанта ова е одлична зделка затоа што пред само една година за Хојлунд плати 17 милиони евра доведувајќи го од Штурм.
Хојлунд на претставувањето истакна дека уште од детството е навивачи на „црвените ѓаволи“.
„Не е тајна дека од детството сум навивач на овој одличен клуб. Сонував да стапнам на „Олд Трафорд“ како играч на Манчестер Јунајтед. Среќен сум што ќе соработувам со еден од најдобрите тренери во светот“, изјави Хојлунд.
Пред него сезонава во Јунајтед пристигнаа Андре Онана и Мејсон Маунт кои беа платени 52 и 64 милиони евра. Јунајтед досега летово за три засилувања потроши 190 милиони евра.
— Manchester United (@ManUtd) August 5, 2023