Три хрватски фармацевтски компании пријавија недостиг на антибиотици и други таблети, меѓу нив е и Сумамед!
Три големи фармацевтски компании деновиве пријавија недостиг на неколку познати лекови поради зголемената побарувачка и проблемите со производството, јавува Даница хр.
Така, Плива пријави недостиг на силни антибиотици Сумамед 250 мг тврди капсули азитромицин дихидрат и Aзимед 250 мг тврди капсули азитромицин дихидрат. Причините се поврзани со производството. Овие лекови ќе бидат дефицитарни од 9 февруари до 15 март. Крка-фарма, пак, известува за недостиг од дури три лекови. Aплериа 25 мг филм-обложени таблети еплеренон за срцеви проблеми нема да бидат достапни од 12 февруари до 14 март. Лекот Keналог 40 мг/мл суспензија за инјектирање триамцинолон ацетонид нема да биде достапен до 22 февруари поради зголемената побарувачка.
Кеналог се користи за лекување на болки во зглобовите, оток и вкочанетост при воспалителни заболувања како што е ревматоидниот артритис. Nаклофен 75мг/3мл раствор за инјектирање диклофенак натриум поради зголемената побарувачка ќе биде дефицитарен од 9-ти до 22-ри февруари. Фармацевтската компанија Стада пријави недостиг на лекот против леукемија Етрага 25 мг/мл прашок за суспензија за инјектирање азацитидин. Поради зголемената побарувачка, лекот нема да биде достапен до 30 март.