Мароко продолжува да привлекува големо внимание на Светското првенство, а тренерот Мохамад Вахби нагласува дека успехот на тимот не е случајност, туку резултат на силна верба, дисциплина и менталитет кој се гради со години.

Тој потсети дека Мароко веќе покажа квалитети на највисоко ниво и во претходните турнири, вклучувајќи го и настапот во Катар, и дека сегашниот резултат е продолжение на таа приказна.

Вахби истакна дека играчите и навивачите веруваат во тимот и дека токму таа енергија го носи Мароко напред, но предупреди дека никој не е непобедлив и дека концентрацијата мора да остане на највисоко ниво. Тој додаде дека тимот мора да биде подготвен за секој противник и да ги користи сите свои „алатки“ за да оди што подалеку на турнирот.

„Мароканските играчи веруваат во себе. А навивачите веруваат во нас. Тоа е многу важно. Она што мора да си го кажеме е дека никој не може да нè запре. Ние сме незапирливи ако играме фудбал каков што знаеме да играме. Но, никој не е непобедлив. И тоа им го кажувам и на моите момци. Ако направиме грешка, ќе си одиме дома и мора да се осигураме дека ги имаме сите алатки што ги користиме, алатките во нашиот „арсенал“ за да стигнеме што подалеку, а тоа е менталитетот што сакаме да го имаат сите наши играчи во Мароко“, изјави Вахби.

Осврнувајќи се на следниот противник, селекторот порача дека очекува тежок натпревар против Канада и дека Мароко ќе мора да се прилагоди на различни тактички предизвици за да продолжи во следната фаза.

ВИДЕО | Мундијалски вести: Парагвај ја испрати Германија дома, „лавовите од Атласот“ ги овенаа „лалињата“