Тренерот на Елмас под притисок: Ако си заминеш, ќе ти го вратиме украдениот автомобил!
Фудбалерите на Наполи во текот на целата сезона беа во трка за титулата во Италија, но во финишот попуштија со низа неколку лоши резултати.
На крајот барем клубот од Неапол во чии редови настапува и македонскиот репрезентативец Елиф Елмас обезбеди место во групите на Лигата на шампионите следната сезона.
Но, навивачите на оваа екипа не се задоволни од работата на тренерот Лучано Спалети и сакаат што побрзо да си замине од клупата.
Толку се лути фановите од „Диего Армандо Марадона“ што дури му ветија на Спалети дека ќе му го вратат украдениот автомобил, само тој да си оди на крајот од сезоната.
Навивачите направија транспарент на кој му го нудат неговиот украден автомобил во замена за заминување. На транспарентот кој се појави пред стадионот во Неапол, беше испишан датумот на кражбата на „Фиат Панда“ на Спалети и пораката: „Спалети, ќе ти ја вратиме твојата Панда…ако си заминеш!“ На потписот пишува „крадци“.
— Daniele Longo (@86_longo) May 11, 2022
Автомобилот на Спалети беше украден на 16 октомври минатата година пред хотелот. Ветувачката сезона се претвори во разочарување за навивачите на клуб,от кои веќе го изразија тоа незадоволство во неколку акции. Меѓу тие дејствија беше и фрлањето јајца кон клупскиот автобус пред натпреварот против Сасуоло.