Трас го осуди нападот врз детската болница во Мариупол: Тоа е апсолутно одвратно
Министерката за надворешни работи на Велика Британија Лиз Трас изјави дека нападот врз детската болница во градот Мариупол е „апсолутно одвратен“.
Таа е запрашана зошто НАТО нема да воведе зона за забранети летови – нешто за што се изјасни претседателот на Украина, пренесува Би-Би-Си.
Трас вели дека најдобриот начин да се помогне во заштитата на небото е преку противвоздушно вооружување, кое го обезбедуваат Британија и нејзините сојузници.
Говорејќи на прес-конференцијата во Вашингтон, таа рече дека Обединетото Кралство настојува целосно да ја исклучи Русија од финансискиот систем за плаќање СВИФТ, а исто така да стави крај на употребата на руската нафта и гас во групата Г7.
„Не смееме да мируваме додека Путин не успее во Украина и не се врати суверенитетот на земјата“, вели таа.