Во изборната кампања во Северна Каролина, американскиот претседател Доналд Трамп, меѓу другото, рече дека може да биде избран за Нобеловата награда за мир.

Во тој контекст, тој го спомена неодамна потпишаниот договор меѓу Белград и Приштина во Вашингтон.

Трамп рече дека успеал да ги запре масовните убиства што се случуваат неколку децении меѓу Србија и Косово.

– Сигурен сум дека ќе се квалификувам за Нобеловата награда за мир. Ставаме крај на масовните убиства меѓу Косово и Србија. Со години се убиваат меѓусебно. Ќе престанат да се убиваат едни со други. Јас реков: „Момци, ајде да се собереме- рече Трамп.

Претседателот на САД беше номиниран за Нобелова награда за мир овој месец откако успеа да потпише договор за нормализирање на економските односи меѓу Белград и Приштина.