Трамп пристигна во демилитаризираната зона на средба со Ким – Слободен печат
ВестиПланета

Трамп пристигна во демилитаризираната зона на средба со Ким

Демилитаризираната зона денеска ќе биде зтаворена за туристи. 

Американскиот претседател Доналд Трамп пристигна во демилитаризираната зона, меѓу Северна и Јужна Кореја, пред средбата со севернокорејскиот лидер Ким Џонг-ун, потврди Белата куќа.

Средбата меѓу двајцата лидери, која Трамп ја иницираше вчера преку Твитер, се случува во момент на застој во преговорите за нуклеарно разоружување на Пјонгјанг, кои пропаднаа при втората средба на двајцата претседатели во февруари во Виетнам.

– Одиме на границата во демилитаризираната зона за да се сретнеме со претседателот Ким и со нетрпение го очекувам тоа, изјави Трамп пред новинарите во Сеул. – Развивме многу добри односи, додаде тој.

Инаку, денешната агенда на Трамп, исто така, вклучува и средба со американските војници стационирани во Јужна Кореја и фотографирање со американските и јужнокорејските војници по посетата на демилитаризираната област. Трамп ќе го започне денот со говор за корејските бизнисмени.

Демилитаризираната зона денеска ќе биде зтаворена за туристи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close