Американскиот претседател Доналд Трамп има намера да повлече 20.000 американски војници од Европа, објави италијанската новинска агенција АНСА, повикувајќи се на европски дипломатски извор.

Во овој случај, присуството на американски војници на континентот ќе се намали за околу 20 отсто „како дел од прегледот на американските обврски за одбрана на Европа“, се наведува во текстот на агенцијата.

Покрај тоа, за оние кои ќе останат, тој би сакал да добие финансиска поддршка од европските земји, бидејќи овие војници се одвраќачки фактор и трошоците не можат да паднат само на рамениците на американските даночни обврзници“, рече изворот, пренесува српска Политика.

Трамп, наводно, ја изразил оваа желба „доследно“ на состаноците со различни европски лидери.