Американскиот претседател Доналд Трамп остро ги нападна петтемина републикански сенатори кои во четвртокот гласаа за придвижување на законодавство што би ги ограничило неговите воени овластувања во однос на Венецуела, објави „Политико“.

Републиканските законодавци — Ренд Пол од Кентаки, Лиза Мурковски од Алјаска, Сузан Колинс од Мејн, Тод Јанг од Индијана и Џош Холи од Мисури — им се придружија на сите демократи во Сенатот, отворајќи пат за гласање што би можело да го принуди Трамп да побара одобрение од Конгресот пред да преземе какви било дополнителни воени акции во Венецуела.

Претседателот, кој настојува преку надворешната политика повторно да воспостави поголема американска контрола врз Западната хемисфера, напиша на својата социјална мрежа во четвртокот дека републиканците „треба да се срамат од сенаторите кои штотуку гласаа со демократите за да ни ги одземат нашите овластувања“.

Сенатот со јасна порака до Трамп: Резолуцијата за ограничување на воените дејствија против Венецуела оди напред

Тој порача дека тие сенатори „никогаш повеќе не треба да бидат избрани на функција“.

„Ова гласање сериозно ја поткопува американската самоодбрана и националната безбедност, ограничувајќи ја овластеноста на претседателот како врховен командант,“ напиша Трамп.

Колинс е единствената од петтемина републиканци која годинава се соочува со реизбор. Нејзиното место одамна е една од главните цели на демократите, иако таа континуирано победува во држава која демократите вообичаено ја освојуваат на претседателски и други избори на државно ниво.

Сенатот денеска решава дали да му ги врзе рацете на Трамп за Венецуела