Две 15-годишни момчиња се удавија во неделата во Јужна Морава во близина на селото Сталаќ, потврди Полициската управа Крушевац. Според информациите, момчињата се удавиле додека ловеле риба во близина на железничкиот мост над Јужна Морава во Сталаќ, објави Н1.

Според медиумските извештаи, момчињата наводно биле повлечени од вртлог. Н1 пренесе дека нема елементи на кривично дело во трагедијата. Се утврдуваат околностите под кои дошло до трагедијата, а надлежните органи спроведуваат истрага за случајот.

Трагичниот настан предизвика шок и тага кај жителите на Сталаќ и околните места.

Во неделата се случила уште една трагедија, 13-годишно девојче се удавило во Велика Морава во близина на Велика Плана. Телото на девојчето го пронашле жандармериските нуркачи вчера попладне, околу 17 часот.

Како што пренесува Н1, девојчето шетало со својата другарка покрај реката пред да се удави.

ВИДЕО | Дете изгоре во пожар во Бања Лука