Италијанците го избрале новиот селектор, познато лице се враќа на клупата
Италијанската фудбалска репрезентација поминува низ турбулентен период по неуспехот да се пласира на трето последователно Светско првенство, но според тамошните медиуми, веќе е избран наследникот на Џенаро Гатузо.
Препорачано
Според информациите на Џанлука Ди Марцио и Николо Шира, Роберто Манчини се враќа на клупата на „аѕурите“, а неговото враќање е веќе речиси завршена работа и се чека само официјализација.
Италијанските медиуми пренесуваат дека за поранешниот селектор е подготвен долгорочен договор до 2030 година, според кој би заработувал околу два милиона евра по сезона.
Планот е Манчини да ја води репрезентацијата сè до крајот на циклусот за Светското првенство 2030, но во него ќе има клаузула за прекин на соработката и порано доколку Италија повторно не ги исполни очекувањата во квалификациите.
Додека се чекаше конечниот договор, привремено селекторската функција ја извршуваше Силвио Балдини, кој е предводник на италијанската селекција до 21 година. Тој забележа две победи во пријателските натпревари, совладувајќи ги Луксембург и Грција со идентични 1:0.
Roberto #Mancini is one step away to return on #Italy National Team’s bench. Ready a contract until 2030 (€2M/year). #transfers 🇮🇹 https://t.co/1ZGUhyJrH6
— Nicolò Schira (@NicoSchira) June 8, 2026
