Фудбалерите на Торино денеска го победија Лече (1:0) на домашен терен, во натпреварот од 23 коло од италијанскиот шампионат.

Единствениот стрелец на натпреварот беше Шкотланѓанецот Че Адамс во 29 минута, по асистенцијата на Никола Влашиќ.

Торино конечно ја прекина серијата од четири порази и сега има 26 бода, за моментно 13 место на табелата.

Од друга страна, Лече нема победа во осум натпревари, и е прв над зоната за испаѓање со 18 бода.

Во следното коло од Серија А, Торино на 7 февруари ќе гостува кај Фиорентина, додека Лече следниот ден ќе го пречека Удинезе.