Тежок удар и за Шпанците, против Италија без еден од најдобрите играчи
Пабло Сарабија, играчот за врска во шпанската репрезентација кој покажуваше досега одлични игри на Европското првенство, поради повреда на мускулот скоро сигурно нема да може да игра за Шпанија против Италија во полуфиналето.
Сарабија постигна два гола и запиша две асистенции. Тој постигна еден гол во победата од 5:0 против Словачка во групната фаза, а другиот против Хрватска во осминафиналето за израмнување на 1:1.
На четвртфиналниот натпревар против Швајцарија тој одигра само полувреме, по што ја напушти играта.
Од редовите на Шпанија изјавија дека ќе биде тешко нивниот фудбалер да се опорави за мечот со Италијанците, а дополнителната загриженост создава повредата на Емерик Лапорт чиј настап е под знак прашалник.
И Италија претрпе тежок удар затоа што Леонардо Спинацола претрпе сериозна повреда на мечот со Белгија и му се заканува прилично долга пауза. Тој беше еден од најдобрите играчи на Италија досега во шампионатот.