Поранешниот министер за финансии, Драган Тевдовски, преку социјалната мрежа „Фејсбук“ на пратениците од СДСМ им порача да размислат пред да гласаат за одлуката на неговата наследничка Нина Ангеловска која реши прогресивното оданочување да го стави во мирување на 36 месеци.

– Пратениците на СДСМ, пред да гласаат за ова, нека помислат дали се за бришење на Социјалдемократски од името на СДСМ. Посебно од страна на луѓе што немаат врска со СДСМ – напиша Тевдовски.

За период од 36 месеци, доходот од работа, доходот од самостојна дејност, доходот од авторски и сродни права како и доходот од продажба на сопствени земјоделски производи ќе се оданочува со стапка од 10 проценти. Во мирување ќе биде ставена и стапката од 15 проценти, што значи дека стапка од 10 проценти ќе се применува и за оданочување на доходот од права на индустриска сопственост, закуп и подзакуп, капитал, капиталните добивки, од осигурување и другиот доход.

Ангеловска: Прогресивниот данок се става во мирување