Црниот биланс од разорните земјотреси што ја погодија Венецуела постојано се менува, а моментално се искачи на повеќе од 900 загинати, додека 3.360 се повредени. Спасувачките екипи и натаму трагаат по преживеани под урнатините, додека семејствата во неизвесност чекаат информации за своите најблиски, пренесува Би-би-си.

Ова се случува откако два силни земјотреси ја погодија Венецуела во средата, во интервал од само неколку секунди. Вториот потрес, со јачина од 7,5 степени, е еден од најсилните што ја погодиле земјата во последниот век.

Најтешко е погодена сојузната држава Ла Гваира, северно од главниот град Каракас, каде се наоѓаат едно од двете главни пристаништа и меѓународниот аеродром „Симон Боливар“, најголемиот воздушен сообраќаен центар во земјата.

Вршителката на должноста претседател на Венецуела, Делси Родригез изјави дека „приоритет“ е спасувањето на луѓето кои сè уште се живи.

„Најважната и најстратешка задача е спасувањето на луѓето кои сè уште се живи. Тоа е нашиот приоритет. Имаме вера и надеж дека ќе успееме да ги спасиме“, додаде Родригез.

ВИДЕО | Жена се породи под урнатините по разорните земјотреси во Венецуела

Властите проценуваат дека околу 50.000 лица се водат како исчезнати, а предупредуваат дека бројот на загинати дополнително ќе расте како што продолжуваат спасувачките операции.

Жителката на Ла Гваира, Наташа Дијаз, за Би-Би-Си изјави дека нејзините две ќерки, на возраст од 22 и 23 години, останале затрупани под урнатините на трговски центар каде работеле како педикирки.

„Беа со своите пријателки. Само сакам да ги пронајдат. Верувам и се надевам дека сè уште се таму. Само сакам да ми се вратат. Тие се сè што имам, ве молам“, рекла таа.

Rescue Footage 🇻🇪💔

Watch the emotional moment rescuers pull a man alive from the rubble after a devastating 7.5 magnitude earthquake hit parts of Venezuela.

In the middle of destruction… hope still survives. 🙏 pic.twitter.com/zLds7tPJzM

— sunil kumar rana (@1984sunil) June 27, 2026

Претседателот на Националното собрание, Хорхе Родригез, соопштил дека бројот на загинати достигнал 920, додека за најмалку 172 лица и натаму се верува дека се затрупани под урнатините. Само во Ла Гваира досега се спасени најмалку 243 лица.

Стотици згради се оштетени или целосно уништени, меѓу нив и голем број болници и трговски центри, додека оштетени се најмалку 1.000 други инфраструктурни објекти.

🚨 1:40 a.m. | People trapped inside the El Jurel building in Playa Grande, La Guaira, Venezuela, can be seen signaling for help with flashlights from inside the structure. pic.twitter.com/rIVICohXoT

— militantosh⚡️ (@MilitanTosh) June 27, 2026

Преостанатите здравствени установи работат на работ на своите капацитети, а лекарите предупредуваат дека здравствениот систем бил во тешка состојба уште пред катастрофата.

Во Венецуела веќе пристигнаа стотици меѓународни спасувачи, а нови тимови се на пат. Поради прекинатите комуникации, оштетените патишта и недостигот од механизација, првите спасувачки акции биле исклучително тешки, па во поединечни случаи спасувачите со голи раце извлекувале луѓе од урнатите згради.

Спасувачи трагаат по жртви заробени под урнатините по земјотресите во Венецуела — илјадници се исчезнати