Тереза Меј денеска го пивкка рускиот лидер Владимир Путин да стави крај на „мерките на дестабилизација“, кои претставуваат закана за Велика Британија и нејзините сојузници.

„Премиерката кажа дека употребата на смртоносното нервно срество на улиците на Салзбери е дел од пошироката низа неприфатливо однесување и дека е чин кој заслужува вистински презир бидејќи ја предизвикал смртта на британската државјанка Дон Стурџис“, се наведува во соопштението.

„Таа истакна дека остануваме отворени за поинаков вид односи, но за тоа да биде возможно, руската власт мора да одбере поинаков пат“, пренесува Ројтерс.

Путин ги отфрли обвинувањата на Британија за вмешаноста на Русија во нападот со нервен гас, сугерирајќи дека двете страни треба да го заборават инцидентот.

„Сметам дека Русија и Обединетото кралство се заинтересирани за целосно обновување на односите, се надевам дека ќе бидат направени барем првичните чекори“, кажа Путин за Фајненшал тајмс.