Она што се најавуваше со недели, доби официјална потврда – Милош Теодосиќ се врати во Црвена звезда. Клубот од „Мали Калемегдан“ на социјалните мрежи објави дека Теодосиќ повторно ќе биде дел од црвено-белиот табор, а овој пат ќе ја извршува функцијата спортски директор.

„Еден од најголемите кошаркари во историјата на европската и српската кошарка, Милош Теодосиќ, е нов спортски директор на КК Црвена звезда! Една година откако ја заврши својата одлична играчка кариера, во дресот на нашиот клуб, Милош Теодосиќ повторно ја засили Црвена звезда во нова улога – како прв оперативец на спортскиот сектор“ напишаа од Црвена звезда на социјалните мрежи.

Један од највећих кошаркаша у историји европске и српске кошарке, Милош Теодосић, нови је спортски директор КК Црвена звезда Меридианбет!

Годину дана пошто је окончао своју велику играчку каријеру, и то управо у дресу нашег клуба, Милош Теодосић је (поново) појачао Црвену… pic.twitter.com/mVsTTvnFwE

— KK Crvena zvezda Meridianbet (@kkcrvenazvezda) June 3, 2026

Теодосиќ знае како дише клубот, а неговите контакти во кошарката сигурно ќе им помогнат на „црвено-белите“.

„Прво, благодарам на клубот за довербата. Исто така, им се заблагодарувам на бројните навивачи за сите пораки за поддршка што ги добив во последните седум дена. Ќе се обидам да ја оправдам таа доверба и секогаш да давам сè од себе за Црвена звезда. Отворам ново поглавје, по мојата играчка кариера, во кое ќе се обидам да ги ставам сите мои капацитети во служба на Црвена звезда. Моите манири никогаш не биле да давам ветувања и да користам зборови што им се допаѓаат на сите. Знам од каде доаѓам, знам кои се целите и мотивите на Звезда“, изјави Теодосиќ.

Теодосиќ на оваа позиција ќе го замени Милан Дозет на кого клубот му се заблагодари за соработката.