Сандгрен во четвртфиналето на Австралија Опен загуби од Рожер Федерер во пет сета притоа пропуштајќи пет меч топки.

– Без сомнение тенисот на Федерер е најубав за гледање, но Новак Ѓоковиќ е најдобар на сите времиња – изјави Сандгрен.

Американецот смета дека може да биде конкурентен со најдобрите тенисери, но исто така појасни колку е тешко да се победи Новак.

– Ние правиме една работа, а тој друга. Кога ќе се обидете да постигнете „винер“, тој ви ја враќа топката на место од кое не е возможно да го изненадите. Постојано ве става во тешка позиција и тоа почнува да ве иритира. Полека ве „гуши“, а тоа што Новак го прави е неверојатно – додаде Тенис Сандгрен.