Новиот менаџер на Манчестер Јунајтед, Ерик тен Хаг, им порачал на челниците на клубот дека сака во летниот преоден рок да ангажира пет фудбалери со кои екипата би се вклучила во битката за трофеите, тоа се Френки де Јонг, Калвин Филипс, Деклан Рајс, Нголо Канте и Дарвин Нуњез, пренесуваат британските медиуми.

Британските медиуми пишуваат дека Јунајтед нема намера да се откаже од трансфер на Де Јонг кој веќе има работено со Тен Хаг во Ајакс. Де онг засега не сака да ја напушти Барселона која за него бара 70 милиони евра.

Тен Хаг по секоја цена го сака летово на „Олд трафорд“ да пристигнат Калвин Филипс од Лидс и играчот на Вест Хем, Деклан Рајс. Трансферот на Филип е реален, но проблем претставува Вест Хем кој за својот најдобар фудбалер бара 120 милиони фунти, сума која Манчестер јунајтед не е подготвен да ја плати.

На листата на желби на менаџерот на Јунајтед се наоѓа и Нголо Канте, но шансите Французинот да го напушти Челси се минимални.

Последно име на листата на желби е тоа на напаѓачот на Бенфика, Дарвин Нуњез кој се наоѓа на радарот на европскиот шампион Реал Мадрид кој воедно е фаворит за потпис со него.