Во Друштвото на писателите на Македонија на 10 декември, со почеток во 19 часот, писателката и професорка на Факултетот за драмски уметности Ана Стојаноска ќе одржи интерактивно предавање со наслов „Да пишуваме за театар!“.

– Затоа за мене театарот е најубавата уметност – забележува Ана Стојаноска, и додава: „Трае како и животот – миговно. Учејќи го театарот, јас учев дека театарот треба да се чува во колективната и интимната меморија, а театарот се чува преку пишување. Затоа и одбрав да зборуваме за тоа како се пишува за театар, како се гледа театарска претстава, како се бележи театарска претстава, како се пишува за театарска претстава, што е театарска критика, и најважното – македонските прилики на театарските рецепции овде и сега.“

Предавањето е од отворен карактер, а влезот е слободен за сите љубители на „штиците што живот значат“, истакнуваат од Друштвото на писателите на Македонија.