Тажна вест за обожавателите: По повторното собирање, „АББА“ најави конечен крај!
За многубројните обожаватели ширум светот на ликот и делото на една од најпопуларните групи во светот, пристигнува тажна вест.
Eден од членовите на легендарната „АББА“, Бени Андерсон за „Гардијан“ изјави дека групата повеќе нема да се обедини, односно дека ќе се распадне.
Иако безброј фанови на легендарната шведска музичка група „АББА“ конечно го дочекаа деветтиот студиски албум „Voyage“, кој ќе се најде во продажба на 5 ноември, сега ги затекна веста за конечното распаѓање на неодамна „обновената“ група.
View this post on Instagram
„Тоа е тоа“, изјави Бени Андерсон (74), еден од членовите на познатата група за „Гардијан“ за раскинувањето, кое е поинакво од она што се случи во 1982 година.
„Таа дамнешна година не реков дека „АББА“ никогаш повеќе нема да се повтори. Но, сега можам да ви кажам: Овој пат е дефинитивно крај“, објаснил Андерсон.
И покрај тоа, обожавателите сè уште имаат совршена можност на најубав начин да се простат од саканата група која идната пролет слави 50-годишнина од основањето.
Нивниот нов албум „Voyage“ со 10 песни ќе биде објавен на почетокот на ноември, а во продажба се и билетите за истоимената придружна турнеја, која започнува во 2022 година со концерти во Лондон.
View this post on Instagram
Новата песна „Don’t Shut Me Down“ која многу потсетува на најпознатите диско хитови на бендот е веќе преслушана повеќе од 25 милиони пати на Спотифсј, а „I Still Have Faith in You“ има повеќе од 15 милиони прегледи.
View this post on Instagram
Формирани во 1972 година, „АББА“ е шведска супергрупа, составена од текстописците Бјорн Улвеус и Бени Андерсон и пејачките Агнета Фелтског и Ани-Фрид Лингстад, која достигна невидена слава и меистрим успех.
