Таткото на бразилскиот репрезентативец, Нејмар сениор се наоѓа во Торино каде го очекува средба со директорите на Јувентус, Фабио Паратичи и Павел Недвед.
Оваа информација ја објави каталонскиот весник „Ел Мундо депортиво“, а потоа ја потврди и италијанската телевизија РАИ. Според двата медиуми, Нејмар сениор ќе преговара за евентуален трансфер на неговиот син во италијанскиот шампион.

? OJO!

Reunión del padre de Neymar con la Juventushttps://t.co/FShRxjeQjK pic.twitter.com/KzwczhMpiz

— Mundo Deportivo (@mundodeportivo) July 17, 2019

„Старата дама“ досега ги ангажираше Арон Рамзи, Адриен Рабио кои дојдоа без обесштетуваше, а трансферот на Де Лихт изнесуваше 75 милиони евра. Силните засилувања за и така силниот Јувентус предводен од Кристијано Роналдо, и големите даночни олеснувања кои ќе стапат на сила на 1 септември, го направија италијанскиот шампион атрактивна дестинација за најдобрите фудбалери.

Од друга страна, Барселона цело лето се обидува да го врати Нејмар на „Камп Ноу“ но не може да одговори на преголемите барања на ПСЖ. Последната понуда на Барселона од 40 милиони евра плус Фелипе Кутињо и Осман Дембеле беше веднаш одбиена бидејќи францускиот тим бара 100 милиони во кеш и двајцата играчи.
Поради тоа, челниците на шпанскиот шампион планираат да подигнат кредит во висина од 350 милиони евра за да го реализираат трансферот на Бразилецот.