57-годишен жител на селото Идризово вчера е уапсен откако примил обележани пари што ги изнудил од поранешното момче на неговата ќерка, соопшти полицијата. Тој бил уапсен во кафеана откако момчето му ги предало парите, кои таткото ги барал затоа што плаќал кирија за ќерка му да живее заедно со поранешниот дечко.

Според МВР, пријавениот почнал да му се заканува на 26-годишниот скопјанец, кој претходно бил во врска со неговата ќерка. Таткото барал оштетениот да му исплати одредена сума на пари за трошоци што тој ги покривал додека тројцата живееле заедно во изнајмен стан во населбата Карпош. Парите што ги барал биле за кирија за станот, поправки на автомобил и други трошоци. Откако момчето го пријавило случајот, полицијата ги обележала парите, а тој му ги дал на изнудувачот.

„Лицето е лишено од слобода веднаш откако од пријавителот примило 200 евра, кои претходно биле крим-технички обработени“, велат од МВР.